“Gənclərin Karyera Planlamasına Dəstək Proqramı” layihəsi həyata keçirilib.

Azərbaycan Respublikasının Gənclər Fondunun “İdeyanı Reallaşdır 2023” Gənclərin Fərdi Layihələri üzrə Qrant Müsabiqəsinin qalibi olmuş “Gənclərin Karyera Planlamasına Dəstək Proqramı” layihəsi həyata keçirilib. Layihə çərçivəsində Balakən rayonunda gənclərə karyera, onun planlaması, mərhələləri, qiymətləndirilməsi, bazar mexanizminin təhlili, məqsəd və hədəf seçimi, iş axtarma prosesləri və digər məsələlər haqqında məlumat verilib. Layihə çərçivəsində keçirilən təlimlərin yekununda iştirakçılara sertifikatlar və üzərində Azərbaycan Respublikasının Gənclər Fondunun loqosu əks olunmuş köynəklər təqdim olunub.

Layihənin məqsədi Balakən rayonunda yaşayan, təhsil alan və ya fəaliyyət göstərən 25 nəfər yeniyetmə və gənclərin karyera planlaması və bu mənada həyata keçiriləcək bütün proses və mərhələlər istiqamətində bilik və bacarıqlarının artırılmasına təkan verməkdir. Layihə çərçivəsində keçirilən təlimlər iştirakçılara birbaşa, digər gənclərə dolayı yolla təsir etməklə cəmiyyətin növbəti mərhələdə əmək bazarı iştirakçısı olacaq hissəsinin bu mərhələyə hazırlanması istiqamətində göstəricilərin artırılmasında pay sahibidir.

Qeyd edək ki, layihə Azərbaycan Respublikasının Gənclər Fondunun maliyyə dəstəyi, Gənclərin İnkişaf və Karyera Mərkəzinin Şəki-Zaqatala Regional Nümayəndəliyinin Balakən bölməsinin tərəfdaşlığı ilə həyata keçirilib.